كون الله والعباس يحفضك امن العين مو كلب فدوه يروحلك لا والله كلبين
...........
مثل يوسف جمالك يهدم الحيل
الان ربك جمالك مازجه بخوف
واذا يوسف الشافه يذبح الايدين
انته عيون يمك ذبت الشوف
...........
جماعه تگول عنك مو بشر حآشاه
وجمآعه تگول حتمآ موبشر حتمآ
واختلفوا عليك وبيك ما يدرون
أنسآن وملاك بواحد انجمعن .
...........
اخاف عليك مني وانتة وياي
لان تدري من شوفك روحي تدني
اذا حضرت جنابك عندك اشفاف
بس فكرت ابوسك خدرني
...........
طار وما كلت للناس عالطار
وشسولف عالجرح بالكلب عالطار
جنت وياك شايل خلك عطار
طفل ما تشتري وتلعب عليه
...........
شهد شمام شربت شكر شفتاك
شهد شلزم شعوفن شكظ شفتاك
شهد شاهد شدهدني بيوم شفتاك
اخذ عقلي وتركني بلا وعية
...........
عاشرت ناس هواي تتلاشة وتذوب واسمك حنان وطيب بكلبي مكتوب احبك ياناسيني
...........
سكر عسل نعناع دمك جمعهن
بس ذني مو حلوات انت احلى منهن
...........
صبح دليلي اليوم من قلبي شايل شوفه بجهازك جاي ويه الرسايل
...........
وحك الي خلق حيدر وزهره *بنص الروح ألك مشتل وزهره* عطارد ماوسع حبك وزهره* لآن حبك دوه موصوف ألية
...........
لويدور الزمن بيه ولو يخليني وحيد غيركم مايهوى كلبي ولايحب من جديد
...........
على الضدك مرض يكتل وكن سل
وتعرفنة وعلي بدونك وكنسل
الغي كل كلب قاسي وكنسل
جميع اهل البغض واهل الردية
...........
كلبي خلاف عينك فرمتاها
وشخصك عن خيالي فر متا ها
دليلي ذكرياتك فرمتاها
وتذكرت النسيته وعم عليه
...........
دكلي شغيرها السبعة ورة الست
وخلص عمرك تسير انتة ورة الست
ابشرك راح افرمته ورست
حياتي وذكرياتي وكل شي اليه
...........
كلي الراحلك منهو وياهو
ومنهو الغيرك عني وياهو
اميلك جان ماسنجر وياهو
تبدلة بدردشة وتنكته بيه
...........
ياالخزرة اعيونك جن فرض قانون
وبيهن تستعين الداخليه
سلم نادما كلمن لحظ عيناك
حته الهرب وكت الجاهليه
...........
انتظرج في مدينة الحب حي العشاق شارع المشتاقين تقاطع الاحباب قرب لوحة احبج
...........
تدري بيوم شفتك تاهت الروح
لعنت اسنين عمري يوم شفتك
جنت تايه إمغمض العين والراي
رجعت اصفك بديه اشلون عفتك
...........
مآ كو نــيـــه اتــبــدل اهـدوم الـحـداد
ومآكو نيه انـشوف وجهك مبــتـشــر
ومآكو نـيـه تـصالح عروك النخـيــــل
ويـه دجـلة ويــروه ويــــطك التـــمـر
الرئيسية 
البوابة 
) حسين الساعدي
حبيبي الزائر الغالي العزيز
اهلا وسهلا بيك صارت قديمة نفرشلك العينين والرمش خيمة
تبين انك غير مسجل في سجلاتنا....لاتدوخ رجاءا التسجيل السريع لايكلفك سوى دقيقة واحدة
استمتع معنا وشاهد الاقسام الخفية الممتعة....اقرا ما تشاء واكتب ما تشاء...فالمنتدى الشاعر علي كريم السعيدي بأدارة:منتدى حسين الساعدي
