شعر عراقي حزين 2013 , الشعر العراقي 2013

شبكتك ياحبيبي وانه ميت شوك
جن شبكت طفل شابكله مرجوحه
وجن جيت غريب مفارك امه اسنين
ذب روحه عليهه وما دره بروحه
شتظن بعد اهدك يلتعبت عليك؟؟
وعبرت الخاطرك هالجبل وسفوحه
اذا نيتك سليمه اليوم احلهه وياك
دخليني عله خدك دمعه مفضوحه
خاطر من اصبن امر بالشفتين
واشيلنلك شكو عله الخارطه ملوحه
وترد الكاع خضره ويطلع الرمان
وغير جفوف اديه محد يلوحه
ياوادي الغزل خليني اهيمن بيك
والعبره عله وادي الغزل مفتوحه
اطب لمملكه مفروشه بس جمار
واظل انثر نثر مااكتفي بلوحه
تعال انطيني اذانك خلي اسمعك زين
سر بيناتنه مو تركض تبوحه
نسهر للصبح نغتاله انه وياك
ونكتب لافته هو الكتل روحه

أسولف وي صوركم لمن أشتاك
وأتخيل وأگول وياي يحجون
وأرد بهمس أحجي أوية ألحياطين ..
يمته إمن ألصور كلهم يطلعون
أنة أشتاگيت بس ألشوك وألله ..
شوك خدود تنطر دمع ألعيون ..
عشت وألمن أعيش بدنيتي هاي ..
وآني بگبر فركة نفس مدفون ..
إعلة درب أذني ولا مريتو فد يوم ..
وأذني متانية وتسأل بالجفون ..
محد شافهم محد سمع صوت ..
بلكي بطيف عاشك صدفة يلفون ..
إذبلت مثل ألورد بس ألوضع جان ..
مثل آخر جگارة وبيد مجنون ..
ألتهيت إبكلشي ناسي أيامكم ذيج ..
وأگل للناس عيب أنساهم إشلون ..
كتبت ألكم قصيدة لخاطر ألناس ..
خاطر بلكي من أحجيهة يبجون ..
أگلكم جذبت وألجذب مكروه ..
ألجذب محبوب بس عند أليجذبون

مااصعب ان تتكــلم بلا صـــــوت
ان تحيــى كى تنتــظر المــــــوت
مااصعب ان تشــــعر بالســـــــأم
فتــرى كل من حــــولك عــــــدم
ويسودك احســـــــاس النـــــــدم
على إثــم لا تعرفه …. وذنب لم تقترفه
ما اصعب ان تشـــــعربالحــزن العميـق
وكأنه كامـنٌ فى داخــلك ألـــم عريــــق
تستـــكمل وحــدك الطــريــق
بلا هـــــدفٍ… بلا شــريكٍ… بلا رفيــقٍ
وتصيــر انــت و الحزن و النـدم فريــق
و تـــجد وجـــهك بين الدمــــوع غريـق
و يتحــول الأمــل البــاقى الى…. بريـق
مااصعب ان تعـــيش داخــل نفـــسك وحيـد
بلا صديــــقِ… بلا رفيـــــقِ… بلا حبيـــبِ
تشـــــعر ان الفــــرح بعـــــيد
تعانى من جــــرح…لا يطــيب
جـــرح عمـيق.. جـــرح عنـيد
جـــرح لا يـــداويــه طبيـــب
مااصعب ان تــرى النـــور ظـــلام
مااصعب ان تـــرى السعادة اوهـام
وانت وحيــد حـــيران
من …. لاحب يستمر …. ولا آهات تدوم

نواجذ بعد مابين وسره
وحگ زينب وهضمته وسره
علتي اوياي ماتبره وسره
لما الباري يعود الشمل ليه

صديقي اجرب ولكن ماعداني
ومشت وياه كلهه ما عداني
بوكت الخير ينسه ما عد داني
مرّه العوز دگ بابي عليه

ازعل ياوطن وارجع واراضيك
واحن ابغـربتي الناسك واراضيك
تفرج ما تظل طبعاً وارى ضِـيك
وترجع من صدگ بغداد اليه

شربت شربته اليوم والماي
والجمل بالصحرا ما يريد الماي
كلب الجرحته يصيح وألم آي
لك جرحي عميق اليوم بية